Hendbollistet e Istogut të shtunën mbrëma e siguruan titullin e katërt rresht të kampionit dhe të pestin gjithsej.
Istogu e ka fituar edhe ndeshjen e dytë finale të plejofit ndaj Samadrexhës me rezultat 28:25.
Ndeshjen e parë finale të plejofit, Istogu e fitoi me rezultatin 27:24.
Istogu në gjysmëfinale eliminoi Shqiponjën e Gjakovës.
Te Istogu u dallua Dijana Ujkiq me tetë gola. Lojë të mirë pati edhe Astou Ndiaye me gjashtë gola të realizuar. Ndërsa nga katër gola i shënuan Suzana Ujkiq, Paulo Sebastiao Suca dhe Lana Paviqeviq.
