Hendbolli i veprimtarisë së Bardhyl Zajmit, Xhavit Spahiut dhe Masar Begollit po përjeton një periudhë të errët në shekullin 21.
Një sport që në Kosovë ka kaluar kufijt edhe para vetë shtetit te Kosovës. Ndonëse Kosova u pavarësua në 17 shkurtin e 2008-ës, mirëpo hendbolli kosovar u pavarësua në dhjetorin e 2004-ës. Megjithatë, 19 vite nga pavarësimi hendbollit kosovarë në instancat me të larta si IHF. Tani në Kosovë është duke kaluar në një krizë.
Hendbolli në Kosovë që as në kohën e pushtetit represiv okpues te Serbisë nuk ndaloj pavarësisht vështirësive, tani po kalon një periudhë të errët si rrallë herë me parë. Jemi mësuar ti shohim mijëra shikues dhe përkrahës në ndeshjet kryesore të hendbollit kosovarë, por tani ka rënë dukshëm numri i përkrahës. Dikur nga afër e shikonin 2/3 mijë shikues, tani edhe derbit po shikohen me nga 15/20 shikues. Kjo ndodhi edhe në duelin e rivalëve kryesorë mes Besa Famgas dhe Kastriot te Ferizajit në “Karagaçi” te Pejës.
Kjo se çfarë po ndodh me sportin e traditës kosovare është për të ardhur keq. Ka shumë pika negative, por disa nga to janë:
- Cilësia në elitën e hendbollit ka rënë dukshëm, hiq Besa Famgas që për një nuancë i tejkalon dy/tri skuadrat tjera rivalizuese.
- Ka skuadra që vështirë e kanë të sigurojnë edhe transportin për të kryer një ndeshje në udhëtim.
- Marketingu është më se i dobët nga ekipet, madje shpeshherë ka mundësi që nuk publikohen as oraret paralajmëruese të ndeshjeve.
- Pos pjesës së transportit, disa prej ekipeve kanë vështirësi edhe me paga. Dukuri që ndodh në çdo fushë të sportit, por në elitën e hendbollit është për të ardhur keq.
- Prodhim i lojtarëve. Edhe kjo po vështirëson punët, sidomos ka kohë që nuk kemi dëgjuar për një lojtarë të ri me përspektiv në sportin e hendbollit në Kosovë.
- Lojtarët e huaj. Disa nga ekipet shkak mungesës së lojtarëve vendor, po detyrohen të forcohen me lojtarë të nivelit 3/4 të cilësisë.
- Rënia drastike e numrit të tifozëve në ndeshje. Dikur jo vetëm derbit por edhe ndeshjet me të rëndomta shikoheshin me shumë se tani që po shikohet një derbi.
Nga federata e deri të çdo ekip duhet të mobilizohen për të kthyer lavdinë dhe traditën e sportit të hendbollit, ndryshe kjo rënie mund ta rrezikojë shumë me shumë sportin që theu barrierat edhe para vetë shtetit.