Të enjten është tërhequr shorti për gjysmëfinalen e Kupës së Republikës së Kosovës në konkurrencë të meshkujve. Turneu final i Kupës mbahet në palestrën “Bill Clinton” në Ferizaj më 26 e 27 prill.
Gjysmëfinalja e parë e Kupës vë përballë fituesin në fuqi, Kastriotin, dhe kampionin në fuqi, Rahovecin.
Ndeshja e fundit mes këtyre dy skuadrave përfundoi baras.
Në gjysmëfinalen e dytë përballen Vushtrria e Besa Famgasi. Skuadra pejane llogaritet favorite e madhe për vend në finale.
Ndeshje interesante në gjysmëfinale të Kupës së Kosovës, do të zhvillohen edhe në konkurrencën e femrave.
Më 26 e 27 prill në palestrën “Bill Clinton” në Ferizaj mbahet turneu final i Kupës së Republikës së Kosovës në hendboll.
Turneun final të Kupës e organizojnë KH Kastrioti dhe KHF Ferizaj.
Te hendbollistet, të dyja ndeshjet vlerësohen shumë interesante. Gjysmëfinalja e parë vë përballë Samadrexhën e Ferizajn, ndërsa në të dytën takohen Istogu e Vushtrria.
Të gjitha skuadrat kanë pretendimet për ta fituar trofeun e çmuar të Kupës.
