Kombëtarja U19 e Kosovës ka humbur ndeshjen për vendin e parë në grup në kuadër të fazës së dytë të Botërorit të hendbollit që po mbahet në Egjipt.
Të martën, Kosova u mposht nga Portugalia me rezultatin 41:29, pasi portugezët krijuan epërsi që në nismë të takimit, të cilën e mbajtën deri në fund.
Te Kosova më i dalluari ishte Amar Muqolli me 9 gola, ndërsa Olsi Mulaj shënoi 8 por që nuk mjaftuan për të evituar humbjen.
Për Kosovën, kjo është humbja e tretë në pesë ndeshje të luajtura në kuadër të fazës së parë dhe të dytës në grupe.
Kosova u mposht ëshë nga Zvicra e Hungaria, ndërsa triumfoi ndaj Marokut e Kuvajtit.
Tani, Kosovës U19 i kanë mbetur edhe dy ndeshjet e fundit në Botëror, të cilat do të vendosin për plasmanin përfundimtar të “Dardanëve” të rinj.
