Hendbollistet e Kosovës, luftuan përballë rivaleve nga Polonia, por në fund festuan mysafiret që triumfuan 34:27.
Ndeshja Kosovë – Poloni, në kuadër të kualifikimeve për “EURO 2024”, u zhvillua në Pallatin e Rinisë dhe të Sportit në Prishtinë.
Vashat tona treguan lojë shumë të mirë por edhe ishin shumë afër të merrnin rezultat të favorshëm në ndeshjen e Grupit 8 të kualifikueseve për Euro 2024.
Dardanet me një fitore apo një barazim kishin gjasa të mira për kualifikim, në ndeshjen e tretë në kuadër të grupit.
Gjatë pjesës së parë Kosova ishte në të shumtën e kohës në epërsi, por kjo pjesëlojë u mbyll baras 17:17.
Mungesa e bankës ishte vendimtare në pjesën e dytë, të cilën gjë e shfrytëzuan polaket duke e realizuar fitoren vetëm në pesë minutat e fundit të ndeshjes, kur edhe e rritën avantazhin deri në plus 7 gola (27-34).
Leonora Demaj është më efikasja të Kosova, me 12 gola, e ndihmuar nga MIrela Gjikokaj me 6, ndërsa të polaket Monika Kobylinska me 9 gola.
Takimi i radhës luhet me 12 prill në konak të Polonisë.
