Federata e Hendbollit e Kosovës vazhdon me përkushtim angazhimin për zhvillimin e hendbollit në të gjitha nivelet.
Në kuadër të këtij misioni, të enjten mbrëma në Austri është nënshkruar Master Plani me Federatën Evropiane të Hendbollit.
Në bazë të marrëveshjes, nga Master Plani, Federata jonë përfiton kryesisht në shtrirjen e hendbollit nëpër shkolla, e rrjedhimisht në rritjen e numrit të lojtarëve të rinj dhe fëmijëve që merren me hendboll.
Marrëveshja për Master Plan është nënshkruar në prag të Kongresit Zgjedhor të EHF-së që mbahet sot e nesër në Andau të Austrisë.
Në ceremoninë e nënshkrimit të Master Planit, Federatën e Hendbollit të Kosovës e kanë prezantuar presidenti Edin Kolgeci dhe sekretari i përgjithshëm Muhamet Arifi.
Marrëveshja për Master Plan është e vlefshme për tri vjet.
