Afër njëzet qytetarë kanë pranuar ndihmë mjekësore, pasi dyshohet se janë helmuar nga produktet që kanë blerë në një furrë në Prishtinë.
Policia e Kosovës ka bërë të ditur se është intervistuar pronari i furrës si dhe me vendim të inspektorëve sanitarë furra është mbyllur.
Rasti siç bëhet e ditur në raportin 24-orësh ka ndodhur ditën e premte.
“Rreth 20 qytetarë kanë kërkuar ndihmë mjekësor pasi të njëjtit dyshojnë se janë helmuar nga produktet e një furre. Njësia policore ka intervistuar pronarin e furrës si dhe me vendim të inspektorëve sanitarë furra është mbyllur deri në daljen e analizave. Në konsultim me prokurorin është iniciuar rasti dhe në ditët në vijim do të intervistohen ankuesit”, thuhet nga policia.
