Sulmuesi Drilon Hazrollaj prej sezonit të ardhshëm do të luaj në Rumani, saktësisht te skuadra e Rapid Bukureshtit.
Hazrollaj, të shtunën është prezantuar te Rapidi, ekip të cilit do ti bashkohet në verë nga skuadra e Malishevës.
Hazrollaj me ekipin rumun ka firmosur kontratë deri në verën e vitit 2028, me opsionin e vazhdimit edhe për një vit tjetër.
Detajet tjera të transferimit të tij nuk janë bërë të ditura, por është raportuar se Rapidi do ti paguajë 400 mijë euro Malishevës, ekip që do të mbajë edhe 15% të kartonit të tij.
Vet Hazrollaj është shprehur tejet i lumtur që karrierën do ta vazhdoj te Rapidi i Bukureshtit.
“Jam shumë i lumtur që jam bashkuar me Rapidin, një ekip me histori impressive dhe tifozë të jashtëzakonshëm. Do të jap gjithçka për ekipin. Me padurim pres të luaj për ëta tifozë të mrekullueshëm. Shpresoj tu jap atyre momente gëzimi”, ka thënë Hazrollaj 21-vjeçar.
Hazrollajk ka shënuar 9 gola dhe ka 3 asisime për Malishevën në këtë sezon kurse të premten shënoi gol ndaj Suharekës.
Hazrollaj ka një ndeshje me Kosovën U21.
