Trajneri i Drilon Hazrollajt, talentit kosovar që ditë më parë nënshkroi për Rapidin e Bukureshtit në Rumani, duke kaluar nga Malisheva, për shumën rekorde në futbollin e Kosovës, rreth 900 mijë euro, ka rrëfyer kohën kur futbollisti si i ri, përballej me një periudhë të vështirë.
Granit Dervisholli, tani trajner i Feronikeli ‘74, në emisionin e sportit VAR në Tëvë 1, të dielën që shkoj, ka rrëfyer detaje për futbollistin e Kosovës, gjatë kohës sa kishte filluar të luante si i ri te Ramiz Sadiku.
“Ky është një sukses edhe i imi edhe i kolegëve te Ramiz Sadiku, sepse mua më ka ra me punu’ një vjet e gjysmë me Drilonin, pa modesti kisha thënë që në një periudhë që Driloni e ka pasur më të vështirë, ne i kemi qëndruar shumë afër dhe ne kemi qenë pjesë e atij kalimi kur e ka bërë hapin e madh. Sepse me dal nga Ramiz Sadiku te Malisheva, në futbollin Kosovës, është hap i madh, sidomos kur kalon nga një ligë e ultë në Superligë. Kush e njeh nga afër ai është një super djalë, dhe mundem me thanë që prej djemve që i kam stërvitur ai është një super profesionist dhe deri në këtë fazë më shumë e ka sjellë personaliteti i tij”.
Dervisholli ka thënë se Drilon Hazrollaj e kishte të vështirë periudhën gjatë vitit 2021, pasi familja e tij jetonin jashtë vendit dhe ai ishte i vetëm në Prishtinë, por për të ishte përkujdesur menaxheri i tij, Kastriot Telaku, i cili sipas Dervishollit, e ka mbajtur futbollistin si ta kishte fëmijë të tij.
Për më tepër shikoni emisionin e plotë të VAR:
