Drilon Hazrollaj u transferua te Rapidi i Bukureshtit nga Malisheva për 900 mijë euro, por sulmuesi i krahut po aktivizohet shumë pak te skuadra rumune.
Rapidi pagoi 900 mijë euro për Hazrollajn, i cili në sezonin 2025/26 ka vetëm 58 minuta lojë në total tek ekipi rumun pas tri xhirove të luajtura.
Mediumet rumune kanë raportuar se te Rapidi nuk janë të kënaqur me Hazrollajn, i cili deri më tani nuk ka bindur shtabin Teknik të klubit.
Te Rapidi kanë pritur shumë nga Hazrollaj që mësohet se nuk është aspak i kënaqur me faktin se nuk po ka minutazhë të mjaftueshme.
21-vjeçari ka kontratë me Rapidin deri në vitin 2028 me opsionin e vazhdimit edhe për një vit tjetër.
