Haziri tha se Mustafa ka nënshkruar atë letër për shkak se ajo garanton se nuk do të ketë kompetenca ekzekutive asociacioni.
“Kryeministri në atë kohë, Isa Mustafa, e ka publikuar letrën e Shefes së Politikës së Jashtme, Federica Mogherinit, e cila ka qenë ndërmjetëse ndërkombëtare, pa Lajçak tash. Letrën e nënshkruar lidhur me kompetencat ekzekutive apo pushteti i tretë i Asociacionit, ajo letër garanton dhe siguron që nuk mund të ndodhë. Ai dokument është i BE-së, nuk na ka humbur neve dokumenti sikur ju ka humbur dokumenti serbëve”, deklaroi Haziri në emisionin “Këndi i Debatit”.
Më tej, ai theksoi se pa Lidhjen Demokratike të Kosovës, nuk mund të mbyllen proceset e mëdha në vend.
“Përveç procesit të pavarësisë, lirisë së Kosovës, në proceset tjera nuk kemi hezituar. Nëse merret baza dhe korniza e marrëveshjes së vitit 2013 dhe shihen termat e marrëveshjes së vitit 2015, shihet se sa shumë kemi zbutur terma të caktuar”, tha Haziri tutje./Tëvë1.info/
