Nënkryetari i Lidhjes Demokratike të Kosovës, Lutfi Haziri ka thënë se ka një koncept ndryshe të udhëheqjes së LDK-së nga ajo aktuale.
Ai duke folur për garën me Abdixhikun për kreun e kësaj partie, ka thënë se ka pasur koncept ndryshe.
Haziri në emisionin “Këndi i Debatit” në Tëvë1, ka thënë se këtë koncept e ka pasur edhe në të kallurën kur kryetar të partisë kanë qenë, Fatmir Sejdiu e Isa Mustafa.
“Unë edhe konceptin atëherë edhe sot e kam krejt ndryshe nga mënyra se si udhëhiqet LDK-ja. Unë jam nënkryetar i LDK-së, unë përfaqësoj koncept krejt tjetër të udhëheqjes në të cilën unë besoj. Edhe sot edhe gjithmonë. Edhe për dallim nga z.Isa Mustafa si kryetar që unë e kam respektua ka bërë punë të madhe, LDK-së i ka dhënë qeveri edhe nga z. Fatmri Sejddiu që u kanë president më përmasa historike. Unë gjithmonë kam besuar që LDK-ja duhet me u adaptuar me kohën me kërkesat e kohës dhe duhet më ndërtu vizion të përshtatshëm në mënyrë që me u bë e besueshme”, ka thënë ai.
Haziri ka thënë pas zgjedhjes së Abdixhikut kryetar i partisë i ka dhënë fjalën për mbështetje. Për Abdixhikun ka thënë se është pragmatik dhe i përkushtuar.
