Nënkryetari i Lidhjes Demokratike të Kosovës, Lutfi Haziri, thotë se është marre për Qeverinë e Kosovës që krenohet publikisht për ndarjen e mjeteve për mbështetjen e familjes së rreshterit të vrarë në veri, Afrim Bunjaku.
Haziri, thotë se ato mjete i janë dashur Afrimit sa ka qenë gjallë dhe çdo personi që ushtron detyrën e policit.
“E kemi bërë tash solidar për m’u çu njerëzit me dalë në gazeta dhe me thënë po i dërgojë do pare në konto të kësaj familje, edhe më e rëndë është që qeveria merr vendim edhe krenohet publikisht thotë po i ndajë pare. Ti edhe nëse i ndan paratë për transparencë lëshoj në webesite, se marre me ditë dikush. Afrimit si babë, si prind, si kryefamiljarë iu kanë dashur sa ka qenë gjallë ajo mbështetje, edhe çdo polici tonë që është atje”, tha ai në emisionin “Këndi i Debatit” në Tëvë1.
Nënkryetari i LDK-së thotë se heronjtë e Kosovës janë të heshtur dhe ashtu vdesin, që sipas tij pastaj çohen dhe njerëzit shtyhen se kush po mbështet më shumë financiarisht e që sipas tij, kjo është eufori.
Pse paska mbetur Afrimi toger prej 2006-tës, a bën me na tregu dikush? Pse ka mbetur ashtu 15 vjet? Nëse në vitin 2006 ka qenë i ri në moshë është vlerësuar dhe është gradu në gradën e rreshterit, pse paska mbetur ai rreshter prej asaj kohe? Por, heronjtë e Kosovës janë të heshtur, janë pa grada, janë njerëz të mirë, nuk lypin asgjë, nuk flasin, nuk kërkojnë – shkojnë vdesin edhe mandej ne çohemi… Ne këtë e kemi eufori, fatkeqësisht më vjen keq me thënë, veç që kjo është eufori. Edhe tash vrapojmë kush po qet pare më shumë, kjo është eufori. Se nuk mundesh kurrë me kompensu mungesën në familjen e tij materialisht e me thënë të drejtën as me gradën e heroit”, shtoi ai./teve1.info/
