Deputeti dhe nënkryetari i LDK-së, Lutfi Haziri, ka deklaruar se Lëvizja Vetëvendosje dhe subjekti i tij politik nuk kanë asnjë formë bashkëpunimi politik.
Ai tha se këto dy parti komunikojnë në formatin formal përmes letrave.
Ai shtoi se deputetët individualë kanë pasur takime dhe oferta, por ato janë zbardhur nga vetë deputetët.
“Formati i komunikimit të LDK-së me VV-në është format formal, i cili është kategorizuar në adresim të letrave dhe kthim të përgjigjeve. S’ka format tjetër të bashkëpunimit. LVV-LDK nuk kanë bashkëpunim partiak, kanë bashkëpunim institucional, ky i fundit është tipik i kornizuar në letra, dhe krejt në rregull është, sepse është zgjedh kjo metodë, pikërisht nga lideri i LVV-së. Janë përjashtuar të gjitha format, rrugët tjera dhe është vetëm kjo. Në anën tjetër ka pasur komunikim e kontakte me deputet. Deputetët i kanë zbardh vetë takimet edhe ofertat dhe kanë mbet aty. S’ka komunikim mes partive”, tha ai në emisionin “Këndi i Debatit” në Tëvë1.
