Ministrja e Drejtësisë, Albulena Haxhiu ka reaguar pas arrestimit të asamblistit të Lëvizjes Vetëvendosje, Besnik Mujeci dhe përjashtimit të tij nga partia, duke thënë që njerëz të tillë nuk kanë vend në Lëvizje.
Haxhiu tha se veprimet për të cilat është arrestuar Mujeci janë krime të rënda dhe se institucionet e drejtësisë ndaj tij dhe të tjerëve, duhet të shqiptojnë dënimin e merituar.
“Komisioni Disiplinor mori vendim për përjashtimin e Besnik Mujecit nga Lëvizja VETËVENDOSJE!.Veprimet për të cilat është arrestuar Besnik Mujeci janë krime të rënda dhe institucionet e drejtësisë ndaj tij dhe të tjerëve, duhet ta marrin dënimin e merituar!Njerëz të tillë nuk kanë vend në Lëvizje.
Mujeci është në mesin e pesë të arrestuarëve nga Policia e Shtetit për trafikim me drogë.
Haxhiu në një reagim tjetër në Facebook, ka thënë Qeveria e Kosovës do të bashkëpunoj me institucionet e Shqipërisë për këtë rast
“Qeveria e Republikës së Kosovës që nga fillimi i mandatit e ka pasur prioritet luftimin e krimit transnacional dhe në këtë drejtim deri tani përmes bashkëpunimit juridik, shumë trafikant i kemi sjellë para drejtësisë. Për personat e arrestuar në Shqipëri dhe për secilin rast tjetër, do të bashkëpunojmë dhe do t’i adresojmë të gjitha kërkesat e institucioneve të drejtësisë”, ka shkruar ajo./teve1.info/
Operacion antidrogë në Tiranë, mes të arrestuarve edhe dy të dyshuar nga Kosova
