Ministrja e Drejtësisë, Albulena Haxhiu ka takuar kryeprokurorin, Besim Kelmendin me të cilin diskutan për çështje të interesit të përbashkët e që ndërlidhen me Deklaratën e zotimeve për reformën në drejtësi.
Ndër të tjerash ajo tha se diskutuan edhe për rëndësinë e rritjes së numrit të mbrojtësve të viktimave, si dhe për çështje që ndërlidhen me përgjegjësitë institucionale.
“Në takim me Kryeprokurorin, Besim Kelmendi, diskutuam për çështje të interesit të përbashkët e që ndërlidhen me Deklaratën e zotimeve për reformën në drejtësi, zbatimin e Ligjit për parandalim dhe mbrojtje nga dhuna në familje dhe me bazë gjinore, rëndësinë e rritjes së numrit të mbrojtësve të viktimave, objektet e prokurorive në Mitrovicë dhe Prizren dhe çështje të tjera që ndërlidhen me përgjegjësitë tona institucionale”, ka shkruar ajo.
