Këtë deklaratë Haxhiu e bëri në seancën e kuvendit të Kosovës ku pritet të votohet Ligji për paga, transmeton teve1.info.
“Ky do të duhej të ishte një prej ligjeve më të rëndësishme për punëtorët e administratës publike, shërbyesit civil, për mësimdhënësit, për profesionistët shëndetësor, për ushtarët, policët zjarrfikësit, për të gjithë ata që marrin pagë nga buxheti i Republikës së Kosovës do të duhej të ishte si një lloj dite feste, sepse deputetët dhe të zgjedhurit e tyre po e votojnë dhe po e përmbushin një detyrë ndaj atyre që me përkushtim dhe profesionalizëm ushtrojnë profesionet shtetërore”, tha ai.
Tutje Haxhiu tha se Ligji për Paga po vjen në votim duke shpërfillë të gjitha kërkesat e sindikatave teksa akuzoi Qeverinë që në drafimin e këtij ligji i ka harruar shumë kategori.
“Për fat të keq ky projektligj po vjen në votim duke shpërfillë të gjitha kërkesat e sindikatave dhe organizatave punonjëse që marrin pagë nga buxheti i Republikës së Kosovës. Qeveria në draftim të ligjit i ka harruar shumë profesione, shumë kategori dhe pastaj në këtë projektligj ka bërë përpjekje që me amendamente t’i përfshijë sipas profesrencave të saj… Qeveria dhe mazhornaca, pak me inate politike, pak me preferenca disa profesionistë shëndetësor i favorizojnë, të tjerët i diskriminojnë”, shtoi Haxhiu, raporton teve1.info.
“Ky projektligj ka diskrepanca të mëdha në mes punës së njëjtë dhe pagës së njëjtë, nuk ekziston ky parim këtu, është i shkelur dhe duke parë tendencën e qeverisë që projektligjin për paga ta kaloj duke shkelur dy vendime të Gjykatës Kushtetuese për çështjen e njëjtë që kërkon vlerësimin e shkollimit dhe pagës së njëjtë për punën e njëjtë dhe këtij parimi i ik qeveria”, deklaroi deputeti i PDK-së./Teve1.info/
