Nënkryetarja e Kuvendit nga radhët e Vetëvendosjes, Albulena Haxhiu ka thënë se Kushtetuat e Kosovës e ka shmangur qëllimshëm fuqinë bllokuese me të drejtën e vetos për të gjitha komunitetet.
Ajo ka thënë se kjo ka dhënë rezultat në funksionalizimin e institucioneve dhe ka evituar problemet me të cilat është përballë Bosnja e Hercegovaina me Republikën Serbe.
“Kushtetuta e Republikës së Kosovës në mënyrë të qëllimshme ka shmangur një fuqi të tillë bllokuese duke mos njohur në asnjë rrethanë të drejtën vetos të komunitetit serb apo të komuniteteve tjera jo shumicë në Kosovë. Kjo ka garantuar deri sot funksionalitetit e institucioneve të Kosovës dhe ka evituar vështirësitë ngjashme me ato që ka përjetuar Bosnja e Hecegovina në raport me Republikës Serbe”, ka thënë ajo, raporton teve.info.
Ajo në një konferencë për media ka thënë nëse Listës Serbe i jepet e drejta e vetos do të përbënte zgjerim të Pakos së Ahtisaarit. Sipas Haxhiut Gjykata Kushtetuese nuk ka kompetencë e as legjitimitet shtojë a po ndryshojë diçka në Kushtetutë.
“Çdo hap tjetër në zgjerim të këtyre koordinatave do të përbente zgjerim të Pakos së Ahtisaarit nga ana e Gjykatës Kushtetuese. Kjo nuk duhet të ndodhë dhe duhet të kundërshtohet nga të gjithë. Gjykata Kushtetuese as nuk e ka kompetencë e as këtë legjitimitet që të gërmojë në themelet e Kushtetues tonë, pra që ta ndryshojë apo shtojën diçka në të. Është e papranueshme që Lista Serbe që nuk njeh shtetit e Kosovës dhe institucionet e saj të përdorë vendet e rezervuara si mjet për të bllokuar konstituimin e Kuvendit dhe qeverisjes demokratike”, ka thënë Haxhiu, raporton teve1.info.
