Ministrja në detyrë e Drejtësisë, Albulena Haxhiu ka deklaruar se PDK sërish po kërkon nga LVV-ja që të japin dorëheqje nga posti i tyre.
Por sipas Haxhiut, dorëheqja e tyre është bërë me shkrim, ku tha se PDK-ja po pret që LVV-ja të del në shesh dhe të tregojnë për dorëheqjen e tyre të dhënë.
Madje, Haxhiu akuzon partitë opozitare për tendencë të bllokimit të konstituimit të Kuvendit të Kosovës.
“Sërish Partia Demokratike e Kosovës po kërkon dorëheqjen tonë, pra sërish PDK tha dorëzoni dorëheqjet, nuk e di çka po presin që të dalim në shesh dhe të themi që ne dorëhiqemi nga postet por këtë ne e kemi bërë me shkrim, e kemi bërë para se të fillojë seance konstituive më 15 prill. Ne nuk e dijm se si do të vazhdojmë tutje por është e qartë se ka tendencë të hapur për të bllokuar konstituimin e Kuvendit të Kosovës dhe për këtë vazhdon të mbahen përgjegjës partitë opozitare”, ka deklaruar Haxhiu para mediave./teve1.info/
