Haxhiu në Facebook tha se gjatë këtij takimi është njoftuar se përfaqësuesit e shoqatës kanë dorëzuar në Prokurorinë Speciale dëshmi të krimeve të luftës.
“Në këtë takim po ashtu u njoftova që sot përfaqësuesit e shoqatës kanë dorëzuar në Prokurorinë Speciale dëshmi të krimeve të luftës kundër kriminelit Bozidar Deliç-it, ish-komandant i Brigadës 549 e cila kishte operuar gjatë luftës në Kosovë dhe tash nën-kryetar i Kuvendit të Serbisë”, ka shkruar ajo.
Haxhiu falënderoi përfaqësuesit e kësaj shoqate për punën vullnetare dhe të palodhshme në dokumentimin e së kaluarës, dhe ritheksoi përkushtimin e vazhdueshëm në adresimin e krimeve të luftës, në veçanti ngritjen e kapaciteteve në institucionet e drejtësisë dhe dokumentimin e krimeve të luftës./teve1.info.
