Haxhiu theksoi se Kusarit i ka thënë që të konsultohet edhe njëherë për Trustin, pasi mund të vie një situatë kur i duhet vota e opozitës.
“Sot ja kam thanë shefes së Grupit Parlamentar të Vetëvendosjes – le të konsultohet edhe njëherë deri nesër sa i përket Projektligjit për Trustin, sepse mund të vjen një situatë që ka me kërku votën e opozitës dhe s’mund ta gjen më. Sepse nëse refuzohet një iniciativë qytetare, në këtë rast dhe as këtu nuk mundesh me gjet një konsensus me e kalu, nëse kanë propozime të tjera, ide të tjera le t’i ofrojnë…sepse nuk ka diçka ma madhore se kërkesa e qytetarëve”, deklaroi ai në “Këndi i Debatit” në Tëvë 1.
Sipas tij, nëse deputetët e pozitës thonë se një marrëveshje ndërkombëtare duhet votuar sepse është në interes të qytetarëve, atëherë siç thotë ai, edhe iniciativa për Trustin është drejtpërdrejt e iniciuar nga qytetarët.
Deputetët e Kuvendit të Kosovës nesër do ta kenë në shqyrtim të parë peticionin e nënshkruar nga qytetarët për tërheqjen e mjeteve nga Trusti Pensional. /Teve1.info/
