Kryetarja e Kuvendit të Kosovës, Albulena Haxhiu, në Ditën e Pavarësisë ka pritur në takim Presidentin e Shqipërisë, Bajram Begaj, i shoqëruar nga ambasadori Petrit Malaj.
Përmes një postimi në Facebook, Haxhiu ka bërë të ditur se Presidenti Begaj ka shprehur mbështetjen e Shqipërisë për Kosovën në proceset vendore dhe ato integruese evropiane.
“E falënderova për vizitën dhe urimet, duke shprehur mirënjohjen për mbështetjen e vazhdueshme të Shqipërisë ndaj Kosovës, para dhe gjatë luftës, si dhe në periudhat e mëvonshme të shtetndërtimit dhe integrimit ndërkombëtar”, ka shkruar ajo.
Sipas Haxhiut, gjatë takimit është diskutuar edhe për sfidat e përbashkëta, ndërsa është riafirmuar zotimi për mbështetje të ndërsjellë mes dy shteteve shqiptare.
