Ministrja e Drejtësisë, Albulena Haxhiu, ka reaguar pas aktgjykimit të Gjykatës Supreme për Naser Pajazitajn, i cili akuzohej për vrasjen e Donjeta Pajazitajt.
Ministrja në seancën e Kuvendit të Kosovës ka thënë se kjo është e papranueshme, që një person, i cili dënohet me burgim të përjetshëm të lirohet nga akuza.
“Sigurisht që znj.Deliu të tjerët në Kuvend do thonin nuk keni të drejtë të komentoni vendimet e Gjykatës Supreme, por ja që po i komentoj vendimet e Gjykatës Supreme. Sepse për mua është e papranueshme që një person i cili dënohet me burgim të përjetshëm, aq lehtësisht të lirohet nga akuza”, ka thënë ministrja.
Haxhiu e ka përmendur që prandaj janë të rëndësishme reformat në sistemin e drejtësisë.
“Ja pse, reforma që kemi nisur si Ministri e Drejtësisë janë jashtëzakonisht të rëndësishme”, tha ajo.
https://teve1.info/lajmet/222-gjykata-supreme-e-liron-te-akuzuarin-per-vrasjen-e-donjeta-pajazitajt/
