Këtë deklaratë Haxhiu e bëri të ditur në një konferencë të përbashkët për media me homologu i saj nga Shqipëria, Ulsi Manja.
Ajo tha se tashmë janë mbyllur diskutimet dhe pritet vetëm ratifikimi i marrëveshjes.
“Sa i përket Danimarkës ne kemi pasur diskutime të gjata ndërmjet ministrive të ekonomisë, asaj të Kosovës dhe të Danimarkës.Diskutimet që kemi pasur tashmë janë përmbyllur dhe kanë pasur të bëjnë me mbështetjen për energjinë e gjelbërt prandaj ne nuk kemi mundur që ende të nisim renovimet në qendrën në Gjilan për faktin e pa u ratifikuar marrëveshja në Kuvendin e Kosovës nuk mund ta bëjmë,por duket që e njëjta shumë shpejt do të procedohet në Kuvendin e Kosovës, mund të them për një muaj… pra synimet janë që pas një muaji kjo marrëveshje të procedohet në Kuvendin e Kosovë”, tha Haxhiu, përcjellë teve1.info.
