Ministrja e Drejtësisë, Albulena Haxhiu ka njoftuar se në gjashtë komuna janë themeluar zyrat mobile për ofrim të ndihmës juridike falas.
Haxhiu ka bërë të ditur se komunat ku u hapën këto zyra janë: Podujeva, Klina, Vushtrri, Lipjani, Shtimja dhe Rahoveci.
“Sot kam nënshkruar vendimin për themelimin e gjashtë zyrave mobile në komunën e Podujevës, Klinës, Vushtrrisë, Lipjanit, Shtimes dhe Rahovecit për t’ju ofruar kështu qytetarëve qasje direkte në ndihmën juridike falas përmes këtyre zyrave”, ka shkruar ajo në Facebook.
Ministrja ka thënë se në këtë formë mundësohet qasja e barabart në drejtësi për qytetarët.
“Shtrirja e ndihmës juridike falas, qasja në drejtësi dhe mundësitë e barabarta për qytetarët janë qëllim i yni andaj hapja e këtyre zyrave është një hap shumë i rëndësishëm për plotësimin e tyre”, ka shtuar ajo. /teve1.info
