Ministrja e Drejtësisë, Albulena Haxhiu ka njoftuar se dje ka qëndruar në Drenas ku tha se ka bashkëbiseduar me gra për pavarësimin e fuqizimin ekonomik të tyre.
Haxhiu tha se shumë nga gratë e vajzat kishin përfituar nga masat e marra nga Qeveria, derisa theksoi se u konfirmua rëndësia e fuqizimit të tyre përmes mbështetjes ekonomike.
“Në Drenas, dje pasdite, bashkëbiseduam për masat e ndërmarra për pavarësimin e fuqizimin ekonomik të grave, për sfidat dhe problemet e përditshme dhe për planet e mundësitë e së ardhmes. Duke qenë se shumë nga këto vajza dhe gra kishin përfituar nga masat e marra nga qeveria, si bursat për vajzat në STEM, shtesat për fëmijë dhe lehona dhe masat e tjera të kësaj natyre edhe njëherë na u konfirmua rendësia e fuqizimit të vajzave dhe grave përmes mbështetjes ekonomike”, shkroi Haxhiu./teve1.info./
