Ministrja e Drejtësisë, Albulena Haxhiu ka bërë homazhe në 26-vjetorin e Epopesë së Dukagjinit, tek dëshmorët Himë Haradinaj, Gazmend e Agron Mehmetaj.
Haxhiu përmes një postimi në Facebook, ka thënë se këta dëshmorë sipas saj, dhanë një kontribut të jashtëzakonshëm në rrugën drejt lirisë dhe pavarësisë.
Tutje ajo ka thënë se rënia e tyre do të vazhdojë të ndriçojë rrugën e Kosovës drejt një të ardhme më të mirë.
“Heroizmi dhe sakrifica e tyre janë frymëzim për të gjithë ne, rënia e tyre do të vazhdojë të ndriçojë rrugën tonë drejt një të ardhme me të mirë për të gjithë qytetarët e Kosovës.
Lavdi dëshmorëve të kombit!”, shkroi Haxhiu./teve1.info/
