Sipas tij, menaxhmenti i korruptuar i ShSKUK-së nuk duhet të mbrohet por të shkarkohet nga Qeveria e Kosovës, teksa ka shtuar se ka tre muaj që ai po kërkon përgjigjje nga Qeveria në lidhje me Raportin e auditimit në ShSKUK për vitin 2021 e që janë evidentuar mbi 12 milionë euro keqpërdorime dhe Qeveria po hesht.
“Menaxhmenti i korruptuar në SHSKUK nuk duhet të mbrohet, por të shkarkohet nga Qeveria. Ka tre muaj që po kërkoj përgjigje nga Qeveria në lidhje me Raportin i auditimi të SHSKUK-së për vitin 2021, ku janë evidentuar mbi 12 milionë euro keqperdorime në SHSKUK, ndërsa Qeveria hesht! Kur pash sot në mengjes Albin Kurtin në SHSKUK, mendova se ka shku me shkarku Bordin e SHSKUK-së për shkak të keqmenaxhimit dhe keqpërdorimeve të evidentuara nga auditori”, ka shkruar ai.
Deputeti i PDK-së, ka thënë se Kurti ka mbështetur menaxhmentin duke ua vënë fajet punëtorëve të sigurimit fizik.
Ai po ashtu theksoi se kryeministrin Kurti do ta shohim më shpesh në QKUK për ti zënë në befasi mjekët apo sigurimin fizik.
“Por Kurti e paska mbështetë menaxhmentin e korruptuar duke ua vënë fajet dhe akuzuar punëtorët e sigurimit fizik. Tani si ministër i Shëndetësisë Kurtin do ta shohim edhe më shpesh në QKUK, për ti zënë në befasi mjekët apo sigurimin fizik, për t’i amnistuar të korruptuarit të emëruar nga vetë ai”, ka shkruar Haxhiu.
Kurti në ShSKUK i ka dhënë mbështetje Drejtorit të Njësisë së Auditimit të Brendshëm të ShSKUK-së, Musa Vitija, të cilit për më pak se një muaj i është djegur vetura dy herë.
Ai për këtë rast ka fjaluar edhe dy kompanitë përgjegjëse të cilat sipas tij kanë dështuar të kryejnë punën e tyre siç duhet.
Lexo edhe
https://teve1.info/lajmet/djegia-e-vetures-se-zyrtarit-te-shskuk-se-kurti-kriminelet-zjarrvenes-e-kane-vendin-ne-burg/
