Ministrja në detyrë e Drejtësisë, Albulena Haxhiu ka deklaruar se Radomir Llaban, gjyqtari i Gjykatës Kushtetuese nga radhët e komunitetit serb dyshohet se është një nga bashkëpunëtorët e Agjencisë së Inteligjencës në Serbi (BIA).
Në një konferencë për media, Haxhiu ka deklaruar se gjyqtari Laban ka gjithashtu raporte të afërta me kryeterroristin Milan Radoiçiq.
“Serbia asnjëherë s’ka hequr dorë nga përpjekjet për ta destabilizuar Kosovën dhe penguar zhvillimin e saj në të gjitha format e saj. Kohëve të fundit është arritur një sukses i madh i institucioneve tona të sigurisë dhe inteligjencës, në dokumentimin e aktivitetit të spiunazhit e sabotazhit të Serbisë në Kosovë. Një përfundoi me dënim sepse vetë ai e pranoi fajësinë. Serbia ka përdorur historikisht dhe përdor edhe sot agjenturën me qëllim që të shtrijë ndikimin në çdo vend fqinj, e sidomos në Kosovë. Në mesin e këtyre shembujve është edhe ai i Radomir Labanit”, ka thënë ajo.
Ajo kërkoi që të nis procedura për shkarkim të tij nga Gjykata Kushtetuese.
