Ministrja e Drejtësisë, Albulena Haxhiu, i ka reaguar Këshillit Prokurorial të Kosovës dhe e Zyrës së Kryeprokurorit të Shtetit, të cilët thanë se “zbatimi i ligjit nuk mund të keqinterpretohet sipas shijeve, interesave dhe nevojave ditore të Kryeministrit në detyrë”.
Lidhur me këtë, Haxhiu ka thënë se Albin Kurti nuk është kryeministër në detyrë, “dhe se sot është data 4 mars dhe jo 4 shkurt”.
Ajo në një postim në Facebook ka shkruar se “fakti që i referohen si kryeministër në detyrë flet shumë”.
Ndërkohë, KPK-së dhe ZKPSh-së, kanë reaguar ndaj deklarimeve të kryeministrit Albin Kurti, i cili tha se Prokuroria po e lufton Qeverinë dhe se e njëjta nuk ka interes për të sjell drejtësi.
Këto institucione thanë se deklarimet përbëjnë vetëm pikëpamje dhe botëkuptime që ka ai për sundimin e ligjit, derisa shtuan se deklaratat e tilla dëmtojnë seriozisht funksionimin e institucioneve. Këto institucione thanë se ligji s’mund të zbatohet dhe interpretohet “sipas shijeve të kryeministrit”./teve1.info/
KPK dhe Zyra e Prokurorit: Zbatimi i ligjit detyrim edhe për kryeministrin
