Ministrja e Drejtësisë, Albulena Haxhiu së bashku me Ministrin e Kulturës, Rinisë dhe Sportit, Hajrullah Çeku kanë takuar gra dhe vajza nga profesionet e ndryshme, të cilat kontribuojnë në zhvillimin e shoqërisë në Kosovë.
Haxhiu ka thënë se do t`i mbështetë gratë duke krijuar mundësi të barabarta.
“Sot, së bashku me Ministrin e Kulturës, Rinisë dhe Sportit, Hajrullah Çeku, patëm kënaqësinë të takonim gra dhe vajza nga profesione të ndryshme, të cilat kontribuojnë çdo ditë në zhvillimin dhe përparimin e shoqërisë sonë. Secila prej tyre ndau me ne përvojën dhe pasionin për punën që bën, duke dëshmuar përkushtimin, aftësitë dhe vlerën e jashtëzakonshme që sjellin në çdo fushë të jetës. Ne do të jemi gjithmonë pranë tyre dhe do të mbështesim fuqizimin e grave në çdo profesion, duke krijuar mundësi të barabarta dhe duke vlerësuar kontributin e tyre të çmuar!”, ka shkruar Haxhiu./teve1.info/
