Haxhiu ka thënë se brenda tetë ditëve qytetarët e Kosovës kanë mbledhur 21 mijë e 398 nënshkrime, të cilat ai i ka prezantuar edhe në Kuvend.
Sipas tij, qytetarët e zhgënjyer nga vota e deputetëve kundër Trustit janë vetorganizuar për t’a rikthyer kërkesën për sërish në Kuvend.
Haxhiu u ka kërkuar deputetëve të Kuvendit të Kosovës që ta dëshmojnë se a janë përfaqësues të qytetarëve apo vetëm të bindjeve politke.
Madje ai i është drejtuar deputetëve të Lëvizjes Vetëvendosje që mos ta dëgjojnë kryeministrin Kurti dhe shefen e Grupit Parlamentar të Vetëvendosjes, Mimoza Kusari – Lila për mos votimin pro Trustit.
“Me votën tuaj, do të përcaktoheni, a dëshironi ta dëgjoni Mimoza Kusarin, apo Albin Kurtin. Dëshmojeni se jeni deputet të popullit, sepse populli do të ju votojë”, ka thënë Haxhiu.
”Kjo iniciativë e qytetarëve, kjo kërkesë e tyre është në Kuvend, është në dorën tuaj të nderuar kolegë deputet të dëshmoni a jeni vërtetë përfaqësues të qytetarëve apo përfaqësoni vetëm bindje politike por jo realiteti në të cilin po përballen qytetarët”,shtoi ai.
Tutje Haxhiu, theksoi se populli i Kosovës ka folur e ka nëshkruar dhe ka sjellur në Kuvend Projektligjin për Trustin teksa i’u drejtua deputetëve duke thënë se tashmë vendimi është në dorën e tyre.
“Populli ka fol, ka nënshkruar dhe e ka sjellë Projektligjin në Kuvend tani është në dorën tuaj”, u shpreh Haxhiu.
Më tej, Haxhiu ka folur edhe për shtrenjtimit e produkteve elementare, ku ka thënë se jeta e qytetarëve është vështirësuar nga kjo situatë.
“Shtrenjtim enorm i çmimeve të produkteve elementare të komusimit ditorë, me çka shporta e qytetarit është shtrenjtuar shumë e jeta qytetarëve është vështirsuar shumë”./teve1.info
