Haxhiu tha se deklarimi i pasurisë së zyrtarëve të lartë është i ndarë në kategori ashtu siç bëhet aktualisht në vendin tonë. Sipas ministres, për shkak të kompetencave që i ka ministri, deputeti është vlerësuar që ato pozicione të jenë publike dhe të tjera pozicione si ajo e profesorëve dhe mjekëve do jenë jo publike.
“Ne kemi proceduar në Kuvend çështjen e deklarimit të pasurisë edhe kjo çështja e deklarimit të pasurisë së mjekëve dhe profesorëve parashihet pra edhe ata obligohen në qoftë se kështu vendos kuvendi mirëpo deklarimi i tyre nuk do të jetë publike. I përket Komisionit për Legjislacion që ta trajtoj, ne kemi interes që ta fuqizojmë në këtë aspekt, konsiderojmë që duhet të fuqizohet origjina e deklarimit të pasurisë se ku ka ardhur ajo pasuri, pastaj edhe kontrolla “ tha ministrja Haxhiu.
Po ashtu sipas saj, Agjencia Kundër Korrupsionit si institucion patjetër qe duhet të fuqizohet me kapacitete shtesë.
