Hava Sopi Gërguri, punon mami që nga viti 1979 apo në periudhën kur ky repart shumicën e punëtorëve i ka pasur serb, mirëpo sipas saj nevoja për punë e ka bërë që të mos dorëzohet.
Sopi-Gërguri rrëfen për përvojën e vështirë që ka pasur në atë periudhë, pavarësisht që kjo e ka bërë krenare më vonë.
Megjithëse në atë kohë ka qenë vetëm një sallë e lindjes me katër shtretër, tani ky repart ka 12 sosh, dhe secila lehonë ka hapsirën e saj.
Ajo kujton momente kur në këto salla nuk është folur as gjuha shqipe.
Mamia Sopi-Gërguri tregon që tashmë plotësohen të gjitha kushtet e nevojshme për procesin e lindjes, si për nënën ashtu edhe për fëmijën.
Sipas mamisë Hava, gjatë fillimit të punës së saj kanë pasur deri në 18 mijë lindje në vit, ndërsa tani ky numër është përgjysmuar.
Edhe pse vetëm një vit e ndanë nga pensionimi, Sopi Gërguri thotë se është e përmbushur me punën që bënë.
Storja e përgatitur nga gazetarja Fetije Kamberi.
