Besnik Hasi është kthyer me humbje në postin e trajnerit tek Anderlechti. Skuadra e udhëhequr nga Hasi humbi ndeshjen e parë të plejofit për titull të kampionit në Belgjikë.
Anderlechti pësoi disfatë nga Club Brugge me rezultatin 2:0. Prej më të mirëve te Club Brugge ishte mesfushori Ardon Jashari.
Në garë për titull të kampionit në Belgjikë janë gjashtë skuadra. Hasi 53-vjeçar u rikthye tek Anderlechti dhjetë ditë më parë.
Hasi ishte fillimisht si ndihmës e më pas edhe si trajner i parë i Anderlechtit.
Nën drejtimin e Hasit, Anderlechti e fitoi titullin në edicionin 2013/2014. Titullin me Andelechtin, Hasi si ndihmëstrajner e fitoi edhe në edicionet 2009/2010, 2011/2012 dhe 2012/2013.
