Ish-presidenti Hashim Thaçi sot ka ardhur në Kosovë për një vizitë te babai i tij, i cili është i sëmurë dhe po trajtohet në QKUK.
Ai aktualisht është në Klinikën Interne dhe derisa po hynte ishte i shoqëruar nga forca policore të EULEX.
Gjykata Speciale e ka miratuar kërkesën e mbrojtjes së Thaçit për lirimin e tij të përkohshëm në Kosovë për një ditë për vizitë humanitare.
“Po mund ta konfirmoj. Për arsye detyruese humanitare, Trupi Gjykues dhe gjyqtari i procedurës paraprake kanë udhëzuar Sekretarin që të menaxhojë një vizitë paraburgimi në Kosovë për Hashim Thaçin që të jetë me babain e tij. I akuzuari mbetet në paraburgim dhe në paraburgim nga Dhomat e Specializuara”, thuhet në përgjigje e zëdhënësit të Dhomave të Specializuara, Michael Doyle.
Mbrojtja e Thaçit, katër herë kishte kërkuar leje për vizitë nga Specialja, dy herë i ishin aprovuar ndërsa të tretën Specialja ia ka refuzuar dyfish.
