Nait Hasani nga PDK ka deklaruar se shpallja e Pavarësisë së Kosovës më 17 shkurt ka qenë një vendim i ndërmarrë me qëllim që Kosova të hynte në Epopenë e Jasharajve si shtet i pavarur.
Ai shtoi se data 17 shkurt nuk ka pasur ndonjë rëndësi të veçantë, por janë krijuar rrethanat e favorshme në atë datë, duke theksuar se mund të kishte qenë edhe ndonjë datë tjetër.
“Në bisedat që i ka zhvilluar kryeministri në atë kohë, pse është dita 17 shkurt nuk do të thotë asgjë e veçantë. Pikërisht janë pjekur kushtet për të arritur në atë ditë, pra kushtet politike tregojnë që je në proces dhe pikërisht në këtë proces është vendosur dita 17 shkurt. Ka mundur me u zgjedh edhe 15 shkurt edhe 20 edhe 6 marsi me Epopenë e Jasharajve, por është zgjedhur 17 shkurti. Pra, që me hyrë në këtë Epope si shtet i pavarur. Kjo është rëndësia që është bërë para Epopesë me 5,6,7 mars. Besoj që këto rrethana politike i ka menaxhuar mjaftë mirë me diplomacinë e më miqtë tanë”, ka deklaruar në emisionin “Ditari” në Tëvë1.
Ndryshe, sot Kosova ka festuar 17-vjetorin e shpalljes së pavarësisë.
Më 17 shkurt, Kuvendi i Kosovës u mblodh në një seancë të jashtëzakonshme dhe në orën 15:45 minuta ai e shpalli Kosovën shtet të pavarur dhe sovran.
Deklaratën e pavarësisë e lexoi kryeministri i atëhershëm, Hashim Thaçi.
