Hasani thotë se është gabim të thuhet që në Hagë po gjykohen individët dhe jo UÇK-ja.
“Kjo është kamuflazha apo ajo ta përdorim si element për ta qetësuar situatën, përkundrazi. Aty gjykohet Ushtria Çlirimtare e Kosovës e askush tjetër”, deklaroi ai në emisonin “ResPublika” me Zijadin Gashin në Tëvë1.
“Ne këtu kishim gjykime të individëve dhe të grupeve, e kishim grupin e gjykuar të Rrustem Mustafës, e kishim grupin e Dautit, Selimit, Samiut, ishte gjykuar Fatmir Limaj në Hagë, Ramush Haradinaj në Hagë, ne nuk kishim çfarë individë atëherë cila është t’i biem kupolës në krye dhe tash ta krijojmë, gjithë këto gjykime janë mbledhur dhe e quajnë ndërmarrje e përbashkët kriminale”, tha Hasani.
Sipas Hasanit synimet janë që “ndërmarrje e përbashkët kriminale” të cilësohet Shtabi i Përgjithshëm i UÇK-së, brigadat, batalionet, njësitet, ushtarët dhe Qeveria e përkohshme.
“Kjo i bie që të gjithë ata njerëz që kanë dashur lirinë dhe që ka luftuar e punuar për lirinë ata janë pjesë e kësaj baze kriminale, kësaj ndërmarrje dhe tash kjo për mua është e padrejtë, për çdo qytetarë të Kosovës është e padrejtë. E tash kush do të jetë në kryes të saj, do të jetë Hashim Thaçi, Rexhep Selimi, Kadri Veseli, Jakup Krasniqi dhe gjithë Shtabi i Përgjithshëm, pavarësisht se a janë atje apo nuk janë të gjithë janë pjesë e akuzës”, shtoi ai.
Tutje Hasani tha se vetëm një njeri që nuk ka ndjenë atdhetare që është i huaj nga gjaku dhe nga gjuha mund të pajtohet me faktin se ish-krerët e UÇK-së kanë bërë krime.
“Atje gjykohet Ushtria Çlirimtare e Kosovës, askush tjetër. Gjykata Speciale është e krijuar në Kuvendin e Kosovës… dhe prandaj është insistuar nga miqtë ndërkombëtarë dhe nga presidenti që ta formojmë për shkak se t’ia heqim këtë njollë ushtrisë sonë, luftës sonë, lirisë sonë gjeneratave të ardhme sepse është e rëndë t’i thuash se një ushtri ka bërë ndërmarrje kriminale dhe trafikim të organeve është e rëndë, është e tmerrshme”, theksoi Hasani./Teve1.info/
