Hasani për Tëvë1, tregoi se përveç torturave që u bënin në burgun e Lipjanit, e njëjta kishte ndodhur edhe nga mjekët në spitalin e Prishtinës.
“Nga 24 deri më 10 qershor kemi qenë në burgun e Lipjanit, atje kemi pasur tortura të ndryshme, trajtimi mjekësor shumë i vogël, por edhe në momentin kur shkonim te mjeku që ishte i burgut ose disa që i qonin në spitalin e Prishtinës, i torturonin dhe i rrihnin përsëri, e më pas u bënin kinse pi shëronin. Ndërsa në burgun e Lipjanit, mjeku aty, pa mpirje e pa asgjë tjetër, të gjitha plagët që i kishim na shkaktonte vuajtje të dyfishtë, por ishim të detyruar të qëndronim”, tha Hasani për emisionin “Infonata”.
23 vite më parë në Burgun e Dubravës ka filluar të kryhet njëra nga masakrat më të mëdha në Kosovë kundër shqiptarëve nga regjimi i kriminelit i Sllobodan Millosheviqit. Ende për këtë masakër nuk është dënuar askush.
