Ambasadori britanik në Kosovë, Jonathan Hargreaves, të dielën ka vizituar Komisionin Qendror të Zgjedhjeve (KQZ).
Kryesuesi i KQZ-së, Kreshnik Radoniqi, priti ambasadorin në zyrën e tij, dhe më pas ai vizitoi ambientet e punës të KQZ-së, përfshirë edhe dhomën operative.
Radoniqi e falënderoi ambasadorin Hargreaves për mbështetjen e Qeverisë së Mbretërisë së Bashkuar në zhvillimin e softuerit të ri për transmetimin e rezultateve dhe statistikave nga vendvotimet, si dhe për proceset që zhvillohen në Qendrën e Numërimit dhe Rezultateve (QNR).
Nga ana e tij, ambasadori britanik uroi për një proces zgjedhor të mbarë dhe përgëzoi stafin e KQZ-së për punën e tyre në organizimin e zgjedhjeve.
