Ambasadori i Mbretërisë së Bashkuar në Kosovë, Jonathan Hargreaves, ka zhvilluar sot një takim me Kryetarin e Gjykatës Kushtetuese, Nexhmi Rexhepi, me të cilin ka diskutuar rreth zhvillimeve të fundit që prekin institucionet shtetërore të Kosovës.
Ai theksoi rëndësinë e stabilitetit institucional dhe respektimit të rendit kushtetues.
Hargreaves u shpreh se pret përgjegjësi të lartë politike pas zgjedhjeve të 28 dhjetorit.
“Shpresoj që pas zgjedhjeve të 28 dhjetorit partitë politike dhe deputetët të veprojnë në frymën e Kushtetutës, në mënyrë që të rikthehet shpejt qeverisja stabile dhe e fuqizuar,” deklaroi ai, duke nënvizuar nevojën për funksionalitet të plotë institucional dhe bashkëpunim ndërmjet akterëve politikë.
Postimi i plotë:
Sot u takova me Presidentin e Gjykatës Kushtetuese, Nexhmi Rexhepi. Diskutuam mbi zhvillimet e fundit që po ndikojnë institucionet shtetërore të Kosovës. Shpresova që pas zgjedhjeve të 28 dhjetorit partitë politike dhe deputetët do të veprojnë në frymën e Kushtetutës, në mënyrë që të rikthehet shpejt qeverisja stabile dhe e fuqizuar.
