Ambasadori i Mbretërisë së Bashkuar në Kosovë, Jonathan Hargreaves, ka vlerësuar rolin thelbësor të Panelit për Ankesa dhe Parashtresa (ECAP) në garantimin e integritetit të proceseve zgjedhore në vend, duke theksuar se anëtarët e tij nuk duhet të përballen me presione apo sulme politike.
Në një postim në platformën “X”, ambasadori njoftoi se gjatë pasdites ka zhvilluar një takim me kreun e Panelit të Ankesave dhe Parashtresave Zgjedhore (PZAP) Zenel Lekun dhe me ushtruesin e Detyrës së Sekretarit, Tefik Mahmuti nga ECAP për t’i falënderuar për përpjekjet e tyre në menaxhimin e ankesave zgjedhore.
“Puna e Panelit të Ankesave dhe Parashtresave Zgjedhore është jetike për të ruajtur integritetin e proceseve zgjedhore të Kosovës sipas ligjit. Anëtarët e Panelit nuk duhet t’i nënshtrohen presionit apo sulmeve politike. Këtë pasdite takova Kryetarin Zenel Leku dhe Ushtruesin e Detyrës së Sekretariatit Tefik Mahmuti nga ECAP për t’i falënderuar për përpjekjet e tyre”, ka thënë ai.
The work of the Election Complaints and Appeals Panel is vital to upholding the integrity of Kosovo’s electoral processes according to the law. Panel members should not be subject to political pressure or attacks. (1/2) pic.twitter.com/y8VKHQYL9G
— Jonathan Hargreaves (@jonhargreaves67) December 10, 2025
