Ambasadori i Mbretërisë së Bashkuar, Jonathan Hargreaves ka uruar Kurtin për rizgjedhjen në krye të Qeverisë së Kosovës.
Ai ka thënë se pret me padurim të punojë me kabinetin e ri qeveritar.
“Pres me padurim të punoj ngushtë me Kryeministrin Albin Kurti dhe ekipin e tij të ri të ministrave në muajt në vijim. Një Kuvend dhe një Qeveri funksionale janë thelbësore që Kosova të bëjë përparim në çështjet që kanë më shumë rëndësi për qytetarët e saj. Mbretëria e Bashkuar qëndron e gatshme ta mbështesë Kosovën ndërsa ajo avancon reformat, forcon institucionet demokratike dhe punon në interes të të gjitha komuniteteve”, ka shkruar ai.
Hargrevs ka thekësuar se Mbretëria e Bashkuar pret që Kosova të angazhohet në dialogun me Serbinë të lehtësuar nga BE.
“Ne gjithashtu presim me padurim angazhimin e vazhdueshëm të Kosovës në Dialogun e lehtësuar nga BE-ja dhe në nxitjen e stabilitetit, prosperitetit dhe bashkëpunimit rajonal. Ky është një moment mundësie, dhe Mbretëria e Bashkuar mbetet një partner i besueshëm ndërsa Kosova punon për të ndërtuar një të ardhme të sigurt dhe të suksesshme”, ka shkruar ai./teve1.info/
