Kryetari i Aleancës për Ardhmërinë e Kosovës, Ramush Haradinaj duke folur për projeksionet e publikuar nga mediat në Kosovë, thotë se është krijuar mundësia që opozita të formojë qeverinë.
Ai ka thënë se për këtë do të bashkëpunojë me opozitën.
Në një konferencë për media ai ka thënë se sipas të dhënave që ata kanë koalicioni për Kosovën Fituese ka rezultat dyshifror.
“Ne nuk jemi të kënaqur me exit pollet jemi të interesuar të shohim rezultatet zyrtare. Sipas informatave tona që kemi rezultati ynë është dyshifror. Është bërë një punë e mirë. Opozita e bashkuar i jep Kosovës një qeveri solide. Është krijuar mundësi që opozita me bë qeverinë dhe do të bashkëpunojmë me formuar qeverinë”, ka thënë Haradinaj.
Sipas projeksioneve të mediave AAK-Nisma kanë rezultat nga 6 – 8%.
