Kryetari i AAK-së, Ramush Haradinaj u ka uruar shqiptarëve 28 nëntorin, ditën e shpalljes së pavarësisë së Shqipërisë.
Në një postim në Facebook, Haradinaj ka thënë se shqiptarët e kanë pasur të qartë prej dekadash qëllimin dhe orientimin e tyre, raporton teve1.info
“Janë të rrallë popujt të cilët e kanë kalendarin aq të pasur me data e ngjarje historike si ne shqiptarët, prej epokës së Gjergj Kastriotit – Skënderbeut, epokë e cila kishte trasuar rrugën e të gjitha përpjekje e të mëpastajme, e veçmas nëntori që në vete ngërthen ngjarjet më të rëndësishme, si ajo e shpalljes së pavarësisë së Shqipërisë, ditëlindja e komandantit legjendar Adem Jashari dhe dalja publike e Ushtrisë Çlirimtare të Kosovës. Përjetësisht përulemi para të rënëve për liri të të gjitha kohërave. Lavdi Ushtrisë Çlirimtare të Kosovës dhe Komandantit Legjendar Adem Jashari. Nderime sot, për ushtarët dhe oficerët që i shërbejnë Atdheut”, ka shkruar ai.