Kryetari i Aleancës për Ardhmërinë e Kosovës (AAK), Ramush Haradinaj, ka përkujtuar heroin Enver Zymerin.
Ai tha se jeta dhe përditshmëria e të gjithë atyre që bien për atdhe është një mision i pandalshëm.
“Jeta dhe përditshmëria e Enverit, Afrimit dhe të gjithë atyre që bien për atdhe, është një mision i pandalshëm, i cili ushqehet nga vizioni se kushdo që prek territorin dhe qytetarët e Republikës së Kosovës, do të përballet me fuqinë në rritje, të cilën e ndjejnë vetëm ata që kanë dhuntinë që, kur e kërkon atdheu, të gjenden në pikat më të larta të shërbimit me dinjitet”, ka shkruar ai në Facebook.
Haradinaj tha se uniforma e heroit Zymeri dhe heronjve të tjerë është model për shtetin e Kosovës.
“Uniforma e policit që veshi Enveri, shembulli i tij dhe i heronjve të tjerë, në luftë e në paqe, janë modeli mbi të cilin lindi dhe frymon ky shtet,” thuhet në postimin e Haradinaj./teve1.info/
