Ish-nënkryetari i OVL UÇK-së, Nasim Haradinaj, ka thënë se ai mendon që arrestimi i tij dhe Hysni Gucatit ka qenë kidnapim.
Haradinaj tha se ata edhe pse nuk janë deklaruar, pasi sipas tij edhe nuk kanë dashur i është ngritur aktakuza.
“Unë mundem me thanë se ka qenë kidnapim sepse jo fakti i arrestimit… As unë e as Hysni Ngucati në asnjë moment, u kry gjyqi dhe kurrë ne nuk jemi përgjigjur para një hetuesi të thjeshtë që e bënë një procedurë që të paktën me shku me ngritë një aktakuzë. Ne nuk kemi deklaratë, ne jemi marrë thjeshtë jemi gjujt qaty dhe u ngritë aktakuza. Ne nuk jemi marrë në pyetje, hiç, hiç, hiç. As nuk kemi pranu e as nuk na kanë marrë “, ka thënë Haradinaj në emisionin “Këndi i Debatit” në Tëvë1.
Tutje, ai ka thënë se më shumë se një javë kanë pritur para se të dalin para trupit gjykues dhe vetëm pas tre muajsh kanë pranuar përkthimin e aktakuzës në gjuhën shqipe.
“Ne na kanë marrë për 8 ditë na kanë qitë të gjykatësi hetues, por ne nuk e kemi pasur asnjë deklaratë kurgjo hiq. Ne nuk na është informu asgjë, na ka informua vetëm personeli për rregullat e rendit shtëpiak… Mbas 7 ditë ka ardhur avokati dhe na ka njoftu se kemi me dal në proces, na ka qitë para trupit gjykues… kemi pas me u deklaru ose mos mu deklaru dhe kurgjo më veç kur na ka ardh që është ngrit aktakuza. Tre muaj deri kemi pasur përkthimin në shqip”, ka thënë ai.
