Kryetari i Aleancës për Ardhmërinë e Kosovës, Ramush Haradinaj të mërkurën ka qëndruar për një vizitë në Ankara.
Haradinaj ka njoftuar se atje është pritur nga zëvendësministri i Punëve të Jashtme, Mehmet Kemal, si dhe nga zëvendësministri i Mbrojtjes, Musa Heybet.
Ai në njoftimin e tij në Facebook, ka bërë të ditur se gjithashtu është takuar edhe me këshilltarin e lartë të presidentit turk Erdogan, Sabri Demiri.
Haradinaj ka thënë se Turqia mbetet e angazhuar për rajonin dhe e përkushtuar për Kosovën.
