Kryetari i Aleancës për Ardhmërinë e Kosovës, Ramush Haradinaj, ka thënë se Turqia ka mbajtur qëndrim parimor dhe ka përkrahur Kosovën në vazhdimësi.
Ai këto deklarime i ka bërë pas takimit me një delegacion nga Turiqa i kryesuar nga zëvendësministri i Jashtëm, Mehmet Kemal Bozay.
“Turqia ka mbajtur një qëndrim parimor dhe vazhdimisht ka përkrahur shtetësinë e Kosovës dhe zhvillimin e institucioneve të saj. Në bashkëbisedim me delegacionin e lartë turk, u dakorduam për thellimin e bashkëpunimit bilateral mes Kosovës dhe Turqisë në të gjitha fushat”, ka shkruar Haradinaj.
Delegacioni turk pjesë e të cilit ishin edhe Sabri Demiri, këshilltar i lartë i Presidentit turk; Ilhan Saygili, drejtor i përgjithshëm për Ballkanin në MPJ turke; dhe Sabri Tunç Angılı, ambasador i Republikës së Turqisë në Kosovë, janë takaur edhe me presidenten e Kosovës, Vjosa Osmanin dhe kryeministrin Albin Kurti.
