Kryetari i Aleancës për Ardhmërinë e Kosovës, Ramush Haradinaj, ka thënë se kryeministri Kurti, ka zgjedhur rrugë tjetër nga ajo e bashkëpunimit me aleatët.
Ai i pyetur për deklaratën e presidentit të Francës Emanuel Macron, i cili ka paralajmëruar masa ndaj Kosovës dhe Serbisë, tha se pasojat ndaj Kosovës do të rriten.
“Shumë njerëz po i bëjnë thirrje Qeverisë tonë me u kuthy ka aleatët, Amerikën, NATO-n, BE-në, por fatkeqësisht Kurti dhe kjo Qeveri ka zgjedh rrugë tjetër, pasojat po i rriten Kosovës, do t’i rriten, pra parashikimet nuk janë të mira për asnjë temë”, tha Haradinaj të martën në një deklarim për media, përcjell teve1.info
Ai tha se mocioni për rrëzimin e Qeverisë Kurti është ende opsion dhe shprehu besimin se për këtë do të arrihet një unitet brenda opozitës.
